Kæru félagar.
Þar sem skiptar skoðanir eru meðal félagsmanna um hvort fara eigi Stóruferðina í ár, vill ferðanefndin kanna viðhorf sem flestra félagsmanna og hvort þeir myndu mæta ef af ferðinni yrði.
Mikilvægt er að sem flestir tjái sig á Facebook síðunni okkar fyrir 5. júní n.k. Ef þið eruð ekki á Facebook hafið þá samband við einhvern í ferðanefndinni.

Kær kveðja. Ferðanefnd 2020.

Kæru félagar

Þá hafa ferða og skemmtinefnd ásamt stjórn ákveðið að fella niður fyrstu ferð sem átti á vera í Funaborg 12-14 júní.
Ástæðuna ættu allir að vita og teljum við ekki hægt að hafa þessa ferð meðan núverandi takmarkanir gilda á tjaldsvæðum. Við vonum auðvitað að þetta breytist þegar líður á sumarið.

Stóraferðin er á áætlun, ásamt berjaferð og árshátíð. En ef eitthvað breytist verður það auglýst með góðum fyrirvara.

Auðvitað getum við ferðast um landið okkar eins og við höfum alltaf gert.

Svo verðum við bara að halda í bjartsýnina og vonum að allt gangi vel.. og munum að passa vel upp á okkur.

Kveðja

Ferðanefnd og stjórn

Góðan daginn kæru félagar.

Nú eru nokkrir dagar í að félagatalið fari í prentun.
Það eru þó enn 17 félagar sem ekki hafa greitt félagsgjaldið og vil ég minna þá á að greiða það sem fyrst svo að félagatalið berist til þeirra.
Ef einhverjir þeirra hafa hugsað sér að hætta í félaginu þá vinsamlegast látið vita sem fyrst.

Fyrir hönd stjórnar
Þorvaldur

Kæru félagar

Vegna ástandsins í þjóðfélaginu þá hefur stjórn Flakkara ákveðið að fresta aðalfundi sem átti að vera 23. apríl (sumardaginn fyrsta) um óákveðin tíma. Vonandi að allir virði þessa ákvörðun. Félagatalið verður gefið út í vor eins og hefur verið en án breytinga í stjórn þar sem sitjandi stjórn starfar áfram fram að aðalfundi hvenær sem hann verður. Farið vel með ykkur.

Fyrir hönd stjórnar