|
Greiðsluseðlar fyrir árgjaldi 2014 hafa verið sendir á öll skráð félagsnúmer í Flökkurum. Ástæðan fyrir þessu fyrirkomulagi er að í nokkrum tilfellum þegar fólk millifærði félagsgjaldið þá kom bara textinn INNBORGUN á bankayfirlitinu, en ekki Flakkaranúmer í tilvísun og heldur ekkert nafn við innlögn. Það er mikil vinna fyrir gjaldkera félagsins að reyna að hafa upp á þeim sem hafði greitt þessa innborgun. Einnig var nokkuð um tvígreiðslur. Fólk millifærði félagsgjaldið svo greiddi það gíróseðilinn þegar hann kom. Þá þurfti að endurgreiða. Svo voru þeir sem greiddu fyrir 2 félagsnúmer, þá þurfti að reyna að finna út fyrir hvern viðkomandi var að greiða fyrir ef ekki voru bæði félagsnúmer sett í skýringu og sent kvittun til gjaldkera ( umsjon@husbilar.is ). Svo voru innborganir frá einstaklingum (nöfn) sem ekki eru í félaginu, það er þegar félagsmenn senda aðra t.d. dóttur, son eða önnur skyldmenni til að greiða félagsgjaldið fyrir sig. Þá eru þessir skráðir sem greiðendur en ekki viðkomandi Flakkari. Við vonum að þið kæru Flakkarar takið þessu vel þrátt fyrir bankakostnað sem bætist við árgjaldið og greiðið gíróseðilinn sem birtist í heimabanka eða farið með hann í banka og greiðið seðilinn þar. Stjórnin | 
Prenta
